Sipas një raporti të fundit, të publikuar nga CNN, del në pah se Rusia dhe Siria, gjatë fushatës së tyre ajrore, me qëllim kanë marrë në shënjestër zonat e banuara nga civilët.

Provat e paraqitura nga Keshilli Atlanik, me bazë në Uashington, sfidon zyrtarët e të dy vendeve të cilët për një kohë kanë mohuar akuzat për vrasjen e civilëve, transmeton portali arbresh.info.

Raporti i cili bazohet në imazhet satelitore, në mediat sociale, pamjet mbikqyrëse dhe nga dëshmitë e dëshmitarëve okularë, thotë se Rusia ka hedhur bomba pa dallim dhe pretendon se gazi i klorit është vendosur gjërësisht nga forcat siriane.

“Zbulimi më i madh i këtij raporti nuk është që domosdoshmërisht këto sulme janë duke ndodhur, por shkalla në të cilën janë duke ndodhur”, ka thënë Eliot Highins për CNN.

Megjithatë, qeveria e Rusisë dhe ajo e Sirisë nuk kanë dhënë ndonjë koment për raportin e fundit.

Raporti i titulluar ‘Breaking Aleppo’ vjen si kundërshtim i një sfondi të ndryshimeve dramatike politike në Shtetet e Bashkuara, me Presidentin Trump, i cili ka sinjalizuar mundësinë për rritjen e bashkëpunimt me Rusinë në raport me Sirinë./Arbresh.info