Aksident i rëndë hekurudhor, 10 të vdekur dhe 73 të plagosur

21:16 | 8 Korrik 2018

Të paktën 10 persona raportohet se kanë humbur jetën në një aksident hekurudhor në Turqi, ndërsa 73 të tjerë kanë mbetur të plagosur.

Siç raportojnë mediat turke aksidenti i rëndë ka ndodhur në afërsi të një fshati në qarkun Çorlu të provincës Tekirdag.

Mësohet se pesë vagona të trenit të pasagjerëve kanë dalë nga shinat, si pasojë e reshjeve të shiut, duke sjellë edhe aksidentin tragjik.

Në lidhje me këtë aksident të rëndë është informuar edhe presidenti Erdogan, ndërsa ministri i Transporteve Ahmet Arslan shkoi në vendin ku ndodhi ngjarja./Anadoly Agency

Shpërndaje në rrjete sociale

Lajmet më të lexuara