Publikohen rezultatet e provimeve pranuese në disa fakultete të UP-së

21:42 | 22 Korrik 2022
E.H

Universiteti i Prishtinës, sot ka publikuar rezultatet e provimeve pranuese në disa fakultete.

Bëhet fjalë për Fakultetin Filozofik, atë të Arkitekturës, Fakultetit të Bujqësisë dhe Veterinarisë si dhe Fakultetit Juridik.

“Njoftoheni që disa nga njësitë akademike të Universitetit të Prishtinës ‘Hasan Prishtina’ tashmë kanë shpallur rezultatet preliminare të provimit pranues të konkursit për pranimin e studentëve në vitin e parë të studimeve themelore – baçelor, për vitin akademik 2022-23”, thuhet në njoftimin në Facebook.

Në vitin e parë të studimeve themelore për këtë afat, UP-ja ka hapur konkurs për pranimin e 5497 studentëve të rregullt.

“Në rrugëtimin tuaj profesional, UP-ja ju uron shumë suksese!”, thuhet tutje.

Për të parë rezultatet, klikoni KËTU. /arbresh.info/