Ka rreth 3 muaj që kur është ndërprerë procesi mësimor në Kosovë.

E një i tillë me shumë gjasë nuk pritet të rifilloj deri në shtator.

Por, kryetari i komunës së Shtimes, Naim Ismajli duket se ka menduar që parqet e shkollave të duken bukur edhe kur ato nuk shfrytëzohen nga askush, shkruan arbresh.info.

Kjo komunë ka shpenzuar mbi 2 mijë e 500 euro, në lule për rregullimin e parqeve  për shkolla.

Në njoftimin për dhënie të kontratës me titull ‘Furnizim  me buketa ,  dhe lule  për rregullimin e parqeve  për shkolla’, janë shpenzuar saktësisht 2 546,60 euro. Këtë furnizim do ta kryej kompania N.P.T. “Agrocoop” nga po ky qytet.

Ky OP ishte i vetmi që kishte aplikuar në këtë tender e që kishte ofruar çmim më të ulët për mbi 1 mijë euro sesa ai që kishte parashikuar në hapje të kontratës.

Kompania fituese është regjistruar në Agjencinë e regjistrimit të bizneseve të Kosovës në vitin 2000. Pronari i saj është Rexhep Limani, ndërsa nuk bëhet i ditur kapitali i kompanisë.

Aktiviteti primar i kësaj kompanie është tregtia me shumicë e luleve dhe bimëve./arbresh.info/