Në garë me gati 400 Universitete, ekipi i fakultetit juridik të Universitetit të Prishtinës, arriti në top 3-shen më të mirë në botë.

Lidhur me këtë, presidentja e Kosovës, Vjosa Osmani është shprehur krenare duke e quajtur sukses historik, shkruan Arbresh.info.

“Këto vajza e djem nga Kosova kanë lënë prapa Universitete si Harvardi, Yale, Stanford, Columbia, Oxford, Cambridge, Princeton, Duke, LSE, e qindra universitete të tjera në garën më prestigjoze të drejtësisë, Willem C Vis. Ata poashtu fituan çmim të veçantë për Memorandumin për palën e paditur.”, ka shkruar ajo.

Ndër të tjera, Osmani u shpreh se kjo ekipë dëshmon se vetëm me punë dhe përkushtim arrihet gjithçka.

“Krenare sa më ska!  Bravo studentëve Ariana Rexha, Dea Fetiu, Morea Pula, Melisë Sejdiu, Nol Musa, Rea Hadri, si dhe Trajnerët: Prof. Donikë Qerimi, Ilir Hajraj dhe Art Sylaj.”, shkroi mes të tjerash presidentja./Arbresh.info/