Borrelli “bombardohet” me kritika edhe nga liderët e partive

14:25 | 30 Janar 2020

Kreu i NISMA Socialdemokrate, Fatmir Limaj, thotë se i kërkuan përfaqësuesit të Lartë të BE-së për Politikë të Jashtme dhe Siguri, Josep Borrell Fontelles  angazhim urgjentë në tri çështje, në lidhje me vizat, dialogun dhe dënimin e krimeve serbe.

“Shkëmbyem prioritetet e dy anshme. I përmendëm qëndrimet tona se tema më e rëndësishme është që BE-ja nga fjalët të kalojë në vepra. Veprimi urgjent që duhet të ndodhë është liberalizimi i vizave. Jemi të zhgënjyer me vendet e BE-së ndaj qasjes së liberalizimit të vizave. Presim hapin konkret të liberalizimit. Çdo gjë tjetër zbehë mirëbesimin e përkushtimit deklarativ të BE”, shprehet Limaj para medieve pas takimit.

Partitë politike thotë se i kanë kërkuar Borrelit marrëveshje gjithëpërfshirëse që ka në thelb njohjen.

“Dhe, që Kosova të jetë anëtarë e OKB-së dhe mekanizmave tjerë ndërkombëtar. Kjo do të ndihmonte ne paqen e rajonit. Iniciativat rajonale janë të destinuara të dështojnë kur dy vende mohojnë ekzistencën e njëra-tjetrës”, është shprehur Limaj.

Limaj thotë se çështje të tretë ka ngritur mirëbesimin.

“Bashkimi Evropian duhet të ketë qëndrim të qartë ndaj zyrtarëve shtetëror serbë që zyrtarisht mohojnë krimet e kryera nga ushtria serbe”, deklaron Limaj.

Ata i kanë kërkuar edhe koordinim të ngushtë të BE me ShBA-në për marrëveshjen finale.

Sa i përket formimit të institucioneve, Limaj shtoi se nuk mund të ndërhyjnë në formimin e institucioneve sepse është çështje e brendshme./arbresh.info/

Shpërndaje në rrjete sociale

Lajmet më të lexuara