Ministri i Shëndetësisë: Po punohet të lëshohet edhe më shpejt Qendra e Mjekësisë Sportive

14:13 | 6 Korrik 2019
A Z

Udhëheqësi i Ministrisë së Shëndetësisë, Uran Ismaili, ka paralajmëruar se po punohet që të lëshohet sa më shpejt në punë objekti ku do të kontrollohen sportistët e Kosovës. Ka thënë se një projekt i tillë ka kushtuar gati pesë milionë euro.

Këtë vikend, Ismaili ka vizituar punëtorët që po punojnë në ndërtimin e objektit.

“Po punohet pa ndërprerë që Qendra e Mjekësisë Sportive dhe Klinikës së Mjekësisë Fizikale me Rehabilitim të përfundojë para afatit të përcaktuar ???‍♂️. Në këtë qendër, në vlerë prej 4.8 milionë euro dhe me një sipërfaqe prej 6297 metrash katrorë, do të bëhen kontrollet sistematike të sportistëve ⛹️‍♀️. Ky institucion, i cili i ka munguar Kosovës, do të jetë qendra më moderne që do të ofrojë të gjitha shërbimet shëndetësore për sportistët tanë. Sportistë të shëndetshëm, suksese kulminante. ??? #BashkëeNdreqim”, ka njoftuar Ismaili në fb.