Kryeministri i Kosovës, Ramush Haradinaj, është shprehur i nervozuar mëngjesin e sotëm në hollin e Kuvendit të Kosovës pasi opozita ka bojkotuar seancën e jashtëzakonshme të thirrur sot për votimin e Ekipit e negociatës për dialogun me Serbinë, shkruan arbresh.info

Haradinaj ka thënë se Opozita së paku është dashur të jetë e pranishme në Kuvend dhe t’i shpreh qëndrimet e tyre.

“Opozita është dashur me ardh me i shpreh mendimet e tyre. Ata është dashtë me ardh me pa çka është në pyetje”.

“Unë e kam pa parametrin për këtë temë disa here. Kosova duhet më shku në tavolinë. Votojeni këtë delegacion. Jepjani një mundësi këtij delegacioni që të shkoj në tavolinë.”

Kryeministri Haradinaj ende nuk e dinë nëse i ka votat e duhura për kalimin e kësaj pike.

Në rend dite është shqyrtimi i Propozim-vendimit të Qeverisë së Republikës së Kosovës për emërimin e Ekipit Negociator për Normalizimin e Marrëdhënieve në mes të Republikës së Kosovës dhe Republikës së Serbisë./Arbresh.info/