Besian Mustafa është zyrtarizuar nga Lidhja Demokratike e Kosovës si zëdhënës i kësaj partie.

“Qëllimi i këtij takimi ka qenë të njihemi nga afër dhe t’ju falënderoj që po mbuloni LDK-në. Si çdo parti edhe LDK-ja do të ketë një platformë të komunikimit të drejtpërdrejtë, e këtë komunikim do e shpalosim gjatë javëve dhe muajve në vazhdim. Mirëpres që tani e tutje komunikimin ta kemi drejtpërdrejt,” është shprehur Mustafa.

Sekretari i Përgjithshëm i Lidhjes Demokratike të Kosovës, Ismet Beqiri, tha se Mustafa ka përgatitjen e duhur për të qenë zë i kësaj partie, raporton arbresh.info.

“Besjani është një djalë i ri, i edukuar dhe i shkolluar dhe i përgatitur jo vetëm për këtë detyrë, por edhe për veprimtari të tjera sepse ka nivel të përgatitur. Ky person do të jetë urë lidhëse ndërmjet LDK-së dhe juve,” deklaroi Beqiri.

Ka përfunduar shkollën e mesme në Illinoi të ShBA-së, baçelor i shkencave Financa dhe Kontabilitet në Pensilvani të ShBA-së, ka përfunduar master në New York, në ShBA. Ka qenë kryeshef i Agjencisë për Investime dhe Përkrahjen e Ndërmarrjeve në Kosovë, KIESA.

Ai është ligjërues i disa lëndëve të biznesit dhe ekonomisë./arbresh.info/