Ish-ministri i Drejtësisë, Ylli Manjani ka reaguar menjëherë pas deklaratës së ambasadorit amerikan Donald Lu, ku ky i fundit komentoi kërkesën e ish-ministrit të Brendshëm Saimir Tahiri për heqjen e masës  “arrest shtëpie”.

Lu tha se vendimi duhet të bazohet mbi provat dhe ligjin dhe jo mbi presione.

Ndërkohë në një status në rrjetet sociale Manjani thotë se “qeveria, si e interesuar për këtë çështje, bën presion dhe ofron para si të gjithë “të fortët” e “trafikantët ”!

Postimi i plotë i Manjanit

“Mbi gjykatën bëhet presion dhe ofrohen para”- thotë Ambasadori i SHBA, për gjykimin në Apel të masës së sigurisë së Saimirit.

Dmth qeveria, si e interesuar për këtë çështje, bën presion dhe ofron para si të gjithë “të fortët” e “trafikantët ”!

Ky është kulmi i banditizmit!