Irani ka bombarduar objektiva iraniane brenda Sirisë, duke çuar në frikën se konfrontimet midis dy armiqve të fuqishëm mund të keqësohen. Këtu është sfondi i asaj që po ndodh.

Pse Izraeli dhe Irani janë armiq?

Që nga revolucioni iranian i vitit 1979, kur radikalët fetarë morën pushtetin, liderët e Iranit kanë kërkuar eliminimin e Izraelit. Iran refuzon të drejtën e Izraelit për të ekzistuar, duke e konsideruar një pushtues të jashtëligjshëm të tokës myslimane.

Izraeli e sheh Iranin si kërcënim të ekzistencës së tyre dhe gjithmonë ka thënë se Irani nuk duhet të posedojë armë bërthamore. Krerët e saj janë të shqetësuar nga zgjerimi i Iranit në Lindjen e Mesme.

Çfarë ka të bëjë Siria me këtë?

Izraeli ka shikuar me ankth gjersa fqinji i saj Siria është konsumuar nga lufta që nga viti 2011.

Izraeli ka qëndruar jashtë luftimeve mes qeverisë siriane dhe rebelëve.

Por, Irani ka luajtur një rol çdo herë e më të madh në mbështetjen e qeverisë së Sirisë duke dërguar mijëra luftëtarë dhe këshilltarë ushtarakë.

Izraeli gjithashtu është i brengosur që Irani është duke u përpjekur që fshehtas të dërgojë armë dhe luftëtarë në Liban – një fqinj që gjithashtu ka kërcënuar Izraelin.

Kryeministri i Izraelit në mënyrë të përsëritur ka thënë se vendi i tij nuk do të lejojë që Irani të krijojë baza në Siri të cilat mund të përdoren kundër Izraelit.

Kështu, meqë Irani është bërë më i fortë në Siri, Izraeli ka intensifikuar sulmet e saj mbi objektivat iraniane atje.

A kanë qenë ndonjëherë në luftë Irani dhe Izraeli?

Jo. Irani ka mbështetur prej kohësh grupe që synojnë Izraelin – si Hezbollahu dhe organizata militante palestineze Hamas.

Por një luftë e drejtpërdrejtë do të ishte masivisht shkatërruese për të dy palët.

Irani ka një arsenal të raketave me rreze të gjatë dhe aleatëve të armatosur rëndë në kufijtë e Izraelit.

Izraeli ka një ushtri shumë të fortë dhe thuhet se ka armë bërthamore. Është gjithashtu e mbështetur fort nga Shtetet e Bashkuara.

Burimi: BBC

Përktheu dhe përshtati: ARBRESH.INFO