Në një intervëstë për gazetën ANA-MPA, shefi i përgjithshëm i NATO-s, Jens Stoltenberg ka thënë se nëse zgjidhet problemi me Greqinë, atëherë NATO do ta ftoj ish-Republikën Jugosllave të Maqedonisë që të bëhet anëtare e NATO-s, transmeton Gazeta Express.

“I përshëndes përpjekjet për gjetjen e zgjidhjes, ndërsa nëse zgjidhet problemi, atëherë NATO do ta ftoj ish-Republikën Jugosllave të Maqedonisë që të bëhet anëtare e NATO-s”, tha shefi i përgjithshëm i Aleancës, Jens Stoltenberg.

Gjithashtu Stoltenberg ka përshëndetur edhe përpjekjet e bëra nga të dyja palët për gjetjen e një zgjidhje që do të ishte e pajtueshme për të gjithë.

“Me të vërtet e përshëndes përpjekjet e bëra nga të dyja palët edhe nga Shkupi edhe nga Athina, për të gjetur zgjidhje për çështjen e emrit. E vizitova Shkupin para disa muajve, po ashtu bisedova me kryeministrin Tsipras pas vizitës sime dhe e përshëndes fuqishëm ndihën politike për përpjekjet për gjetjen e zgjidhjeve, por kjo është një çështje e rëndë dhe e ndjeshme. Por, nëse çështja me emrin zgjidhet, atëherë NATO do ta ftoj ish-Republikën Jugosllave të Maqedonisë që të bëhet e anëtare e NATO-s”, ka thënë Stoltenberg.

Siç informon korrespondentja e MIA-s nga Athina, sekretari i përgjithshëm i NATO-s duke u përgjigjur në pyetjen për zgjerimin e Aleancës tha se dyert e NATO-s janë të hapura për anëtare të reja, siç ishte vitin e kaluar me Malin e Zi, ndërsa këtë vit do të rishikohen kandidaturat e Bosnjës dhe Hercegovinës, të Gjeorgjisë, por edhe të Maqedonisë.