Sot në fshatin Lëbushë të Deçanit nga gjuajtjet me armë zjarri ka mbetur i plagosur një mashkull.

Për këtë rast policia ka arrestuar të një person të dyshuar. Bëhet fjalë për U. L. 1965, të njëjtit i është bërë konfiskimi i një arme.

“Viktima, i plagosur nga arma e zjarrit, është dërguar në QKMF Deçan, e më pas në emergjencën e spitalit rajonal në Pejë dhe sipas vlerësimit të ekipit mjekësor gjendja e tij është jashtë rrezikut për jetë”, thuhet në njoftimin e Policisë.

“Hetuesit policorë rajonalë, në bashkëpunim të plotë me prokurorin e shtetit kanë ndërmarrë të gjitha masat e nevojshme operativo-hetimore për të sqaruar të gjitha rrethanat për kryerjen e veprës penale ‘vrasje në tentative”.

“Me urdhër të prokurorit të shtetit të dyshuarit i caktohet masa e ndalimit prej 48 orësh për të vazhduar me procedura të mëtutjeshme ligjore”.