Ndeshja ndërmjet Fiorentinës dhe Lazios, do të mbahet gjatë në histori të këtyre dy skuadrave.

Kjo ndeshje dhuroi emocione të ‘çmendura’, kartona të verdhë e të kuq, gola dhe tensione në fushë ndërmjet futbollistëve.

Pas 14 minutave të parë, gjyqtari kryesor Antonio Damato përjashtoi dy lojtarë me karton të kuq, Marco Sportiello, e skuadrës vendase në minutën e shtatë dhe Alessandro Murgia të Lazios, në minutën e 14-të.

Vetëm dy minuta më pas, skuadra vendase kaloi në epërsi me golin e mesfushorit Jordan Veretout, për 1 me 0.

Në minutën e 31-të, i njëjti lojtar shënoi përsëri nëpërmjet një penalltie, për rezultatin 2 me 0.

Lazio ngushtoi epërsinë në minutën e 39-të, me golin e mesfushorit spanjoll Luis Alberto.

Goli i barazimit nuk vonoi shumë, dhe mbrojtësi, Martin Cacares shënoi në minutën  e 45-të për rezultatin 2 me 2, shkruan arbresh.info.

Me këtë rezultat u mbyllën 45 minutat e parë në “Artemio Franchi”.

Ashtu si përfundoi pjesa e parë, filloi edhe e dyta me raste e gola.

“Viola” golin e tretë e shënoi në minutën e 54, përsëri nëpërmjet mesfushorit francez, Jordan Veretout, i cili kompletoi hat-trickun e tij.

Por, këtu nuk përfundoi drama që po zhvillohej në Fiorencë.

Skuadra nga kryeqyteti nuk u dorëzua për asnjë moment, dhe arriti të barazonte rezultatin në minutën e 69.

Golin e shënoi mesfushori brazilian, Felipe Anderon, për rezultatin 3 me 3. Ky gol ishte thjesht “magjikë”, pasi realizoi nga një distancë e largët, për ta mposhtur portierin shqiptar, Thomas Strakosha.

Kur të gjithë menduan se skuadrat do të ndanin pikët, kështu nuk mendoi edhe spanjolli, Luis Alberto i Lazios.

Ai shënoi golin e tij të dytë personal në ndeshje dhe të katërtin për skuadrën e tij, duke kompletuar një përmbysje të çmendur.

Skuadra e trajnerit italian, Simone Inzaghi, ‘luftoi’ deri në fund dhe nuk gaboi, për të marrë tre pikët  e plota në kryeqytet.

Me këtë fitore, Lazio rikthenë pozitën e tretë në tabelë me 64 pikë, një më shumë se sa Interi, që ka 63 pikë në pozitën e katërt, kur kanë mbetur edhe pesë xhiro për t’u zhvilluar.

Ndërsa, Fiorentina e trajnerit Stefano Piolit, pas kësaj humbje renditet në pozitën e tetë me 51 pikë, tri më pakë se sa Milani, që mbanë pozitën e gjashtë me 54 pikë, pozitë kjo që dërgon në Evropa Ligë sezonin e ardhshëm. /arbresh.info/