Lideri i Vetëvendosjes, Albin Kurti në tryezën ku është prezantuar raporti Skenarët e ‘Finales së Madhe’ ndërmjet Kosovës dhe Serbisë ka thënë se nuk mund të lejohet që dialogu me Serbinë t’i rrëmbej Kosovës agjendën shtetërore.

“Nuk duhet t’i lëmë anash sektorin e arsimit, atë të shëndetësisë, luftën kundër krimit e korrupsionit dhe të përqendrohemi vetëm në dialog”, ka thënë Kurti, raporton Arbresh.info

Sipas tij është gabim nëse Kosova më tepër e kundërshton Brukselin dhe nuk e kundërshton Serbinë.

Ai ka deklaruar se Beogradi synon bosnjëzimin e Kosovës.

“Beogradi qartazi dëshiron bosnjëzimin e Kosovës. Ndarja është qëllim i tyre për bosnjëzimin e Kosovës”, ka thënë ai.

Kurti ka thënë se kritika e tij ndaj raportit të prezantuar është që fjala Mitrovicë nuk u përmend askund./Arbresh.info