Shtypja e lartë e gjakut tek gratë para se të ngelin shtatzënë rrit gjasat për 20% për abort spontan, kanë treguar studime të zhvilluara së fundmi.

Gratë që kanë shtypjen e gjakut më të lartë se sa normalja, që është 80mmHg, kanë më shumë gjasë që të mos e çojnë shtatzëninë deri në fund. Rreziku rritet për 18% për çdo rritje të nivelit të shtypjes së gjakut për 10mmHg.

Studiuesit kanë theksuar rëndësinë e mënyrës së shëndetshme të jetesës, përmes dietës dhe ushtrimeve, në mënyrë që të ulet tensioni tek gratë e të eliminohet aborti spontan.

Hipertensioni ndodh kur gjaku përshkon nëpër vena me një presion më të lartë se sa normalja.

Studimet paraprake kanë treguar se nëse kjo ndodh gjatë shtatzënisë, foshnjat mund të kenë mungesë të oksigjenit dhe ushqimeve.