Ka reaguar edhe i pari i Kuvendit, Kadri Veseli pas arrestimit të drejtorit të të ashtuquajturit Zyra për Kosovën, Marko Gjuriq, shkruan arbresh.info

Ai ka thënë se shteti i Kosovës ka zbatuar sot ligjet e veta dhe ushtroi sovranitetin e plotë.

Sipas Veselit Republika e Kosovës nuk lejon asnjë provokim dhe Serbia duhet ta kuptojë se ky vend ka zot shtëpie.

Shkrimi i plotë i Kadri Veselit:

Shteti i Kosovës ka zbatuar sot ligjet e veta dhe ka ushtruar sovranitetin e plotë. Republika e Kosovës nuk lejon asnjë provokim dhe Serbia duhet të kuptojë se ky vend ka zot shtëpie. Ne nuk jemi duke shkuar në Serbi të provokojmë, presim që ata të jenë më të vëmendshëm në respektimin e sovranitetit të kufijve tanë territorialë. Për aq sa ata janë korrekt ne do të jemi korrekt. Nuk na është dashtë dita e sotme, por zyrtarët serbë duhet ta kuptojnë se në Kosovë mund të futen vetëm me lejen e autoritete shtetërore kosovare. Kosova është e përkushtuar për normalizim të marrëdhënieve me Serbinë por vullneti duhet të jetë i dyanshëm. Ftoj të gjithë qytetarët e Kosovës pa dallim etnie që të jenë të qetë dhe të mos nxiten nga asnjë lloj provokimi.