Taksa për Rrugën e Kombit, Basha: Grabitje e dyfishtë e shqiptarëve

22:35 | 25 Mars 2018
Trina Galanxhi

Nga prilli Rruga e Kombit do të kalohet vetëm duke paguar taksën dhe shefi i opozitës shqiptare thotë se kjo tarifë, së bashku me taksën e qarkullimit, është një grabitje e dyfishtë ndaj shqiptarëve që i jep një goditje të rëndë lidhjes së Shqipërisë dhe Kosovës.

Kreu i PD-së, Lulzim Basha premton ta shfuqizojë këtë tarifë që në ditën e parë kur kjo parti të vijë në pushtet.

“Qytetarët e Kosovës do ta ndiejnë të parët këtë akt primitiv të urrejtjes nga banda në pushtet në Shqipëri. Kjo tarifë është një barrierë dhe kosto e shtuar për ta. Ky akt kriminal dëmton edhe ekonominë e Shqipërisë, duke rritur koston për shërbimet dhe produktet dhe duke goditur qytetarët dhe bizneset. Turizmi po kështu do të pësojë një goditje të rëndë”, tha Basha.