Qeveria e Maqedonisë do të ofrojë subvencione për kompanitë me buxhet të ulët që do të ofrojnë fluturime me çmime më të ulta.

Nga Ministria e Transportit thonë se përparësi për këta subvencione shtetërore do të kenë kompanitë që do të ofrojnë drejtime dhe linja të reja që do të nisen nga aeroporti i Ohrit, “Shën Apostull Pali”.

“Qëllimi i këtyre subvencioneve është që aeroporti i Ohrit të rritet për nga numri i kompanive me buxhet të ulët, si dhe me këto linja dobi të kenë qytetarët e Maqedonisë”, tha ministri për Transport dhe lidhje, Goran Sugareski.

Sugareski tha se deri në fund të prillit duhet të jetë e qartë se cilat kompani do të jenë në konkurrencë për marrjen e subvencioneve. Deri më tani në vend këtë risi e ofronte “Wizz Air”, kompani e cila ishte obliguar që nga aeroporti i Ohrit të kenë të paktën një linjë me buxhet të lirë. Nga operatorët do të kërkohet të kenë më shumë fluturime nga Ohri. /Telegrafi/