Mustafa: 24 marsi 1999 shënon përfundimin e pushtimit serb

16:52 | 24 Mars 2018
Arbresh.info

Kreu i Lidhjes Demokratike të Kosovës Isa Mustafa në 19-vjetorin e bombardimit të NATO-s ka thënë se 1999 shënon përfundimin e pushtimit të Serbisë mbi Kosovën, shkruan arbresh.info.

Sipas tij rezistenca e prirë nga presidenti historik Rugova, lufta heroike e komandantit legjendar Adem Jashari dhe vendosmëria e popullit mobilizoi botën që të fitojmë lirinë.

Shkrimi i Mustafës në Facebook:

24 Marsi 1999 shënon fillimin e përfundimit të pushtimit të Serbisë mbi Kosovën.

Rezistenca brilante e prirë nga Presidenti RUGOVA, lufta heroike e nisur nga Komandanti Legjendar, Adem JASHARI dhe vendosmëria e paepur e popullit të Kosovës, mobilizoi botën demokratike që së bashku ta fitojmë lirinë dhe ta kemi shtetin tonë.

Zoti e Bekoftë Republikën e pavarur dhe sovrane të Kosovës! ??????