Kryetari i Komunës së Çairit, Visar Ganiu ka shpërndarë një lajm të mirë me qytetarët e kësaj komune rreth rivitalizimit të Çarshisë së vjetër të Shkupit, shkruan Telegrafi Maqedoni.

Sipas Ganiut, granti i fituar nga Banka Botërore do të përdoret për:

‘‘1.Rekonstruimi i kalldërmës në rrugën kryesore të Çarshisë së Vjetër. Me këtë projekt parashikohet qe të rekonstruohen 1800 m² kalldërmë;

2.Restaurimi i 75 dyqaneve në Çarshi të vjetër në të cilët në të kaluarën janë bërë intervenime jo adekuate nga pronarët ose subjekteve tjerë dhe kanë degraduar trashëgiminë kulturore;

3.Vendosja e mbishkrimive nëpër objekte;

4.Vendosja e tendave nëpër objekte;

5.Virtualizimi i Çarshisë – Aplikacion për identifikimin dhe përshkrimin e monumenteve në Çarshi. Po ashtu ky aplikacioni parasheh edhe instalim të aplikacionit për hartimin e monumenteve historike dhe kulturore në Çarshi të vjetër;

6.Sinjalizimi i tërësishëm i Çarshisë së Vjetër;

7.Organizimi i konferencës ndërkombëtare të qyteteve me Çarshi të Vjetra dhe shkëmbimi i përvojave në kuadër të revitalizimit të çarshive orientale”, thuhet në mes tjerash në publikimin e Ganiut në Facebook. /Telegrafi/