Udhëheqësi separatist katalanas, Carles Puigdemont ka deklaruar se i ka dhënë fund ofertës për t’u rizgjedhur President i rajonit verilindor të Spanjës.

Ai tha se ishte duke lënë mënjanë kandidaturën e tij në favor të aktivistit të ndaluar Jordi Sanchez, transmeton portali arbresh.info

Puigdemont vazhdon të jetojë në mërgim në Belgjikë dhe nga Spanja i është thënë se mund të përballet me arrestim nëse kthehet në Barcelonë për t’u betuar.

Arratisja e tij pasoi referendumin e Katalonjës për pavarësi gjatë tetorit të vitit të kaluar, të cilin qeveria në Madrid e shpalli të paligjshme.

“Unë do të heq dorë nga kandidimi për t’u emëruar president rajonal”, tha ai në gjuhën katalanase, përmes një video të postuar në rrjetet sociale.

Ai ka shtuar se e ka marrë këtë vendim me qëllim për të zhbllokuar ngërçin politik pas referendumit për pavarësi të Katalonjës.

Zyrtarët e qeverisë spanjoll nuk kanë dhënë asnjë koment mbi zhvillimet e fundit./arbresh.info/