Mesfushori i Real Madridit, Luka Modric thotë se viti 2017 ishte më i mirë në karrierën e tij.

Modric ka pranuar se viti i kaluar nuk kishte se si të shkonte më mirë asnjëherë në aspektin personal për shkak të arritjeve të tij, transmeton portali arbresh.info.

“Deri tani viti më i mirë në karrierën time ishte 2017, ishte perfekt”, ka thënë kroati në një intervistë për ‘FourFourTwo’. “Ne kemi fituar ligën dhe Ligën e Kampionëve në të njëjtin vit për herë të parë që nga viti 1950, kemi fituar gjithashtu Superkupën e Evropës, Superkupën e Spanjës dhe Kupën e Botës për Klube”

“Në nivelin personal, unë isha mjaftueshëm me fat për të siguruar disa çmime individuale, pasi kam qenë i përfshirë në skuadrën më të mirë të vitit në Ligë të Kampionëve dhe në La Liga”

Modric është i kënaqur me arritjet e tij pasi mesfushori vazhdon të jetë njëri nga lojtarët më të mirë në Estadio Santiago Bernabeu.

“Në rast se ja shtoni edhe suksesin me skuadër kombëtare me Kroacinë – kualifikimin në Kampionatin Botëror në Rusi, mendoj se 2017-ta ishte një vit perfekt”, shtoi ai.

32-vjeçari ka bërë 17 paraqitje në La Liga këtë sezon dhe ka realizuar një gol për ‘Los Blancos’./arbresh.info/