Lojtari i transferuar për një tarifë rekorde nga Barcelona, Philippe Coutinho nuk do ta bartë fanellën me numër 7 pasi gjiganti në La Liga është duke e ruajtur atë për superyllin Antoine Griezmann.

Në vend të saj, yllit brazilian do t’i dhurohet fanella me numër 14 që aktualisht është e okupuar nga Javier Mascherano, i cili pritet të largohet nga klubi javën e ardhshme që t’i bashkohet Hebei Fortunes së Kinës, transmeton portali arbresh.info.

Bazuar në një raport nga ‘Mundo Deportivo’, Barcelona ka rezervuar fanellën me numër 7, e cila është lënë e lirë pas largimit të Arda Turanit, për Griezmannin në përpjekje për të joshur atë që t’i bashkohet në Camp Nou gjatë verës.

Reprezentuesi francez ka veshur fanellën me të njëjtin numër te Real Sociedadi nga viti 2010 deri në vitin 2014 dhe të njëjtën është duke e bartur edhe te Atletico Madridi.

Barcelona ka qenë duke kërkuar transferimin e 26-vjeçarit që nga viti i kaluar dhe tani raportohet se është duke u përpjekur edhe më fort për të siguruar nënshkrimin me të./arbresh.info/