Në 19 vjetorin e vrasjes së veprimtarit të LDK-së, Enver Maloku, janë mbledhur figura të ndryshme të kësaj partie për të bërë homazhe tek lapidari i tij.

Prezent ishte edhe deputeti Ismet Beqiri, i cili sërish kërkoi nga institucionet e drejtësisë zbardhjen e vrasjes së Malokut dhe veprimtarëve të tjerë të LDK-së.

Ai shtoi se kjo është kompetencë e institucioneve të drejtësisë dhe se qeveria nuk duhet të ndërhyjë.

Vajza e Enver Malokut, njëherit edhe deputete për të dytin mandat nga radhët e LDK-së, Doruntina Maloku, tha se LDK-ja sa ishte në qeveri kishte kërkuar themelimin e një komisioni për të hetuar SHIK-un.

Tani, sipas saj, të njëjtën gjë po e kërkon kryeparlamentari Kadri Veseli, ngaqë anëtarë të këtij komisioni do të jenë nga radhët e PDK-së, gjë të cilën LDK-ja do ta kundërshtoj, njofton Klan Kosova.

Enver Maloku, i cili ishte kreu i Qendrës Informative të Kosovës, u vra më 11 janar 1999, në afërsi të banesës së tij.