Jesse Lingard ka shpëtuar “Djajtë e Kuq” në takimin e pasdites së sotme (e martë) në Old Trafford kundër Burnleyt.

Manchester United ka barazuar me rezultat 2 me 2 në takimin e xhiros 20-të në kuadër të Premierë Ligës kundër skuadrës së Sean Dyches falë dy golave nga Lingard, shkruan portali arbresh.info.

Mysafirët siguruan epërsinë pas vetëm tre minuta lojë duke shënuar për 0 me 1 përmes sulmuesit Ashley Barnes pas një ndërprerje. Goli i dytë erdhi gjithashtu brenda fraksionit të parë.

Mesfushori belg Steven Defour dyfishoi epërsinë me një supergol të realizuar nga gjuajtja e lirë në minutën 36′ duke lënë të pashpresë portierin David de Gea.

Skuadra e Jose Mourinhos arriti ta ngushtojë epërsinë duke shënuar për 1 me 2 në minutën e 53′ përmes Jesse Lingard, i cili u inkuadrua në fushë si një zëvendësues i Zlatan Ibrahimovicit në pjesën e dytë. Ligard shënoi një gol me stil pas asistimit nga Ashley Young.

Reprezentuesi i Anglisë ia siguroi një pikë “Djajve të Kuq” në minutën e dytë të kohës shtesë duke barazuar shifrat për 2 me 2.

Manchester United vazhdon qëndrimin në pozitën e dytë me 43 pikë, 12 më pak se lideri i Premierë Ligës – Manchester City, ndërsa Burnley qëndron në pozitën e shtatë me 33 pikë./arbresh.info/

Shikoni katër golat e realizuara në këtë ndeshje: 

https://streamable.com/0uohj