Shtyhet seanca për lëndën ”Spiuni” për në janar të vitit që vjen

10:51 | 14 Dhjetor 2017
Arbresh.info

Seanca për lëndën ”Spiuni” është shtyrë për më 23 janar të vitit që vjen për shkak të mungesës së Marjan Efremov, që është një nga të dënuarit e kësaj lënde, përcjell Telegrafi Maqedoni.

Gjykata urdhëroi që në seancën e radhës, Efremov të merr thirrjen për në gjyq. Përndryshe kjo lëndë i është dhënë Prokurorisë Speciale Publike (PSP).

Në tetor të 2016, Gjykata e Apelit në Shkup pranoi pjesërisht ankesat e të akuzuarve në këtë lëndë. Kjo bëri që të dënuarve t’u ulen dënimet Goran Stajkovit për 3.3 vite, Marjan Efremovit për 4 vite, Marijan Maxhovskit iu ndryshua dënimi nga 1.5 vite në dënim me gusht, ngjashëm si edhe Vane Cvetanovit, i dënuar me tre vite.

Në këtë lëndë janë akuzuar 18 persona për bashkëpunim armiqësor, spiunazh, keqpërdorim të detyrës zyrtare, shantazh, mashtrim dhe armëmbajtje pa leje./Telegrafi/