Deputetja e LDK-së, Hykmete Bajrami, gjatë seancës së sotme ku po diskutohet për projektligjin për buxhetin e vitit 2018 i ka bërë thirrje kryeministrit Ramush Haradinaj të vijë në seancë, duke shtuar se buxheti është i kryeministrit Haradinaj dhe jo i ministrit të Financave, shkruan arbresh.info.

“Buxheti është më shumë i kryeministrit se i ministrit të financave. Unë i bëj thirrje kryeministrit Haradianj që të vijë në sallë ku po diskutohet buxheti”, tha Bajrami.

Ajo tha se buxheti i planifikuar për vitin  e ardhshëm jo që nuk adreson problemet e qytetarëve, por as nuk është i përputhshëm me programin qeverisës.

“Buxheti duhet të adresojë nevojat e qytetarëve. Buxheti jo që adreson nevojat e qytetarëve, por nuk është në harmoni as me programin qeverisës”, pohoi ajo.

Deputetja e LDK-së, tha se qeveria Haradinaj do të mbahet mend vetëm për një gjë, për numrin e madh të zëvendësministrave të emëruar.

“Rritja enorme e numrit të zv.ministrave, nëse për asgjë tjetër, qeveria Haradinaj do të mbahet mend për numrin e madh të zv.ministrave”, theksoi Bajrami./arbresh.info/