Kupa e Shqipërisë do të zbresë në fushë për festën e Çlirimit. Shtatë nga tetë çiftet e kualifikuara deri në këtë fazë të turneut do të luajnë më 29 Nëntor.

Mes tyre është edhe Skënderbeu, që këtë të mërkurë do të luajë në Lezhë përballë Besëlidhjes. Në këtë mënyrë korçarët do të kenë vetëm 48 orë kohë të rikuperojnë forcat pas duelit direkt me Partizanin.

Zgjedhja duket se është bërë për efekt të kalendarit, edhe sepse te Skënderbeu kërkojnë të kenë më tepër kohë në dispozicion për të përgatitur supersfidën e radhës në kampionat përballë Kukësit, por edhe për ndeshjen e fundit në grupet e Europa League, ku i pret trasferta me Young Boys, përcjellë SuperSport.al.

Një duel mjaft interesant në Grupin A është ai i orës 18:00 ndërmjet Tiranës dhe Vllaznisë, me dy skuadrat që vendosen përballë pas finales së mbijetesës së sezonit të kaluar, ku shkodranët arritën të qëndronin mes më të mirëve.

Në Grupin B spikat fakti se Partizani do të ketë pak orë më tepër në dispozicion për t’u çlodhur pas ndeshjes me Skënderbeun, me të kuqtë që ndeshjen e Kupës me Pogradecin do ta luajnë ditën e enjte. /SuperSport/

KUPA E SHQIPËRISË    TURI 1/8

GRUPI A

29 NËNTOR

ERZENI            14:00  KUKËSI

BESËLIDHJA  14:00  SKËNDERBEU

TIRANA             18:00 VLLAZNIA

KAMZA              14:00 TEUTA

GRUPI B

30 NËNTOR

POGRADECI  14:00   PARTIZANI

29 NËNTOR     BYLIS

14:00   LUFTËTARI

LUSHNJA       14:00   LAÇI

TURBINA       14:00   FLAMURTARI