Parlamenti i BE ka miratuar një rezolutë që i bën thirrje Polonisë të mbajë vlerat e përbashkëta evropiane, duke paralajmëruar se nëse autoritetet polake refuzojnë të zbatojnë këtë, kjo mund të çojë në pezullimin e të drejtave të votimit në Këshillin e BE-së.

Rezoluta i bën thirrje Varshavës të respektojë të drejtën e lirisë së tubimit, të dënojë me forcë “marshimin ksenofobik dhe fashist” që u zhvillua në Varshavë më 11 nëntor, dhe për të ofruar kontracepsion të lirë dhe të disponueshëm pa diskriminim, duke i vënë pilulat kontraceptive emergjente në dispozicion pa recetë mjekësore, transmeton portali arbresh.info

Presidenti polak Andrzej Duda firmosi një ligj në qershor, i cili shndërroi kontracepsionin e urgjencës në një ilaç me recetë. Polonia gjithashtu ka disa nga ligjet më kufizuese të abortit në Evropë, duke ndaluar të gjitha përveç rasteve kur shtatzënia është rezultat i incestit ose përdhunimit, përbën një rrezik për shëndetin ndaj nënës ose fetusi është deformuar rëndë.

Ai gjithashtu u bën thirrje Polonisë të veprojë në përputhje me urdhrin e Gjykatës Evropiane të Drejtësisë (ECJ) për të “pezulluar menjëherë prerjet në shkallë të gjerë” në pyllin e Bialowiezws, një vend i Trashëgimisë Botërore të UNESCO-s.

Aktivistët dhe BE pretendojnë se Varshava ka injoruar vendimin e GjEDNJ-së për të ndalur prerjet në pyll./arbresh.info/