Një mosmarrëveshje familjare ka ndodhur mes dy të dyshuarve në Ferizaj, njofton Policia e Kosovës në raportin 24 orësh.

Në raport bëhet e ditur se të njëjtit kanë përdorur edhe një thikë dhe si pasojë lëndime trupore nga mjeti i prehtë kanë pësuar dy të dyshuarit dhe një femër ashkali, shkruan arbresh.info.

Të lënduarit janë dërguar për trajtim mjekësorë në qendrën emergjente.  Në vend të ngjarjes është gjetur dhe konfiskuar një thikë, e cila dyshohet se është përdorur në rast.

Kurse  me vendim të prokurorit njëri nga të dyshuarit është arrestuar dhe dërguar në mbajtje.

Ky është njoftimi i plotë i policisë:

“Ka ndodhur një mosmarrëveshje familjare me ç’rast janë përfshirë në rrahje dy të dyshuar meshkuj K/Ashkali, të cilët kanë përdorur edhe një thikë. Si pasojë lëndime trupore nga mjeti i prehtë kanë pësuar dy të dyshuarit dhe një femër K/Ashkali. Të lënduarit janë dërguar për trajtim mjekësor në qendrën emergjente. Në vend të ngjarjes është gjetur dhe konfiskuar një thikë, e cila dyshohet se është përdorur në rast. Me vendim të prokurorit njëri nga të dyshuarit është arrestuar dhe dërguar në mbajtje”.