Spanja votoi nenin 155 për marrjen nën kontroll të Barcelonës

16:56 | 27 Tetor 2017
M. A.

Senati i Spanjës i është përgjigjur deputetëve të Parlamentit të Katalonjës, që shpalli sot pavarësinë, duke miratuar masa për kthimin e kontrollit në rajonin autonom verilindor.

Votimi në senatin spanjoll ka ndodhur vetëm pak minuta pas votimit në Parlamentin e Katalonjës për shpalljen e pavarësisë.

Ky veprim i parlamentit spanjoll i mundëson Kryeministrit Rajoy dhe kabinetit të tij që të marrë masa për qeverisje direkte të Katalonjës. Masat mund të nënkuptojnë shpërndarjen e Qeverisë së Katalonjës, duke marrë nën kontroll policinë rajonale dhe hapa tjerë për kufizimin e autonomisë së Barcelonës.

Spanja deri më tani asnjëherë nuk e ka përdorur nenin 155 kundërthënës të Kushtetutës Spannjolle që po vlerësohe si” opsioni nuklear” politik i qeverisë qendrore spanjolle.