Barcelona mund të bëjë në të ardhmen një lëvizje për të siguruar transferimin e yllit të Chelseat, Marcos Alonso.

Reprezentuesi spanjoll iu bashkua “Bluve” nga Fiorentina verën e kaluar dhe që nga atëherë ka siguruar një pozitë të rregullt në formacionin startues, transmeton portali arbresh.info.

Alonso fillimisht është parë si një blerje në panik e trajnerit të “Bluve”, Antonio Contes, por 26-vjeçari ka evoluar duke u kthyer në një lojtar me ndikim në skuadër pas kontributit në tetë gola në kampionatin anglez.

Bazuar në ‘Don Balon’, Alonso është shfaqur si një shënjestër befasuese e Barcelonës pasi Ernesto Valverde nuk është plotësisht i kënaqur me performancat e Jordi Albas.

Alonso ishte njëri nga tre lojtarët, përfshirë Cesar Azpilicuetan dhe Nemanja Maticin, të cilët janë vëzhguar nga Roberto Fernandez i Barcelonës javën e kaluar./arbresh.info/