Anija “Oriku” shpëton anijen me 53 emigrantë sirianë në Egje

19:33 | 14 Tetor 2017
Trina Galanxhi

Ekuipazhi i anijes “Oriku”, pjesë e Forcës Detare me mision në detin Egje ka shpëtuar pak orë më parë gjatë patrullimit jetën e 53 emigrantëve nga Siria.

Behet fjalë për 18 fëmijë, 12 gra dhe 23 burra, të cilët tani janë shëndoshë e mirë falë kontributit të forcave tona në Egje.

Ministrja e Mbrojtjes, Olta Xhaçka, teksa flet me superlative për Forcat tona të Armatosura, thotë se në 18 muajt e përfaqësimit të Shqipërisë në operacionin e NATO-s në detin Egje, “Sea Guardian”, ekuipazhi shqiptar ka shpëtuar 600 emigrantë, shkruan Ora News.

“Kemi të gjitha arsyet për tu ndjerë krenarë për burrat dhe gratë, djemtë dhe vajzat në uniformë të Republikës së Shqipërisë’ shkruan ajo në fb, teksa ka ndarë foto nga operacioni i shpëtimit sot dhe të ekuipazhit ditën e nisjes për në mision.

22406075_1434158779953171_5078127320555509628_n 22448128_1434158806619835_5933018626509068282_n 22539677_1434158743286508_1634845002045583488_n