Ka përfunduar me shumë sukses kampi U-15 në Grunberg, me futbollistët e lindur në vitin 2003 dhe që kryesisht luajnë në klubet gjermane.

Përzgjedhësi Gazmend Haliti dhe trajneri Isa Sadriu u ndanë shumë të kënaqur me punën e djelmoshave në këtë kamp. “Ky kamp mund të cilësohet shumë i sukseshëm sepse ftesës sonë iu përgjigjen pozitivisht shumë futbollistë që luajnë në klube me emër në Gjermani. I testuam në përgaditje fizike, teknike dhe taktike dhe gjithashtu e zhvilluam edhe një ndeshje, që na ndihmon të kemi një vleresim sa më real”, ka theksuar Haliti. Këta futbollistë do të jenë vazhdimisht në përcjellje nga trajnerët Gazmend Haliti e Isa Sadriu, të cilët po ashtu do të vendosin kontakte edhe me trajneret e klubeve ku luajnë këta futbollistë, shkruan Federata e Futbollit të Kosovës.

“Pas testimeve në Gjermani, Skandinavi e Zvicër dhe gjithmonë edhe me futbollistët që luajnë në Kosovë, ne do të mundohemi të bëjmë një ekip, i cili do të përballet me sukses në kualifikimet e Evropianit, që për këtë moshë fillon në vitin 2019. Falenderojmë te gjitha klubet si Bayern München, Borussia Mönchengladbach, Fc Ingolstadt, Fc Augsburg, Arminia Bielefeld etj, që i lejuan futbollistët të jenë pjesë e këtij testimi”, ka shtuar Haliti. /arbresh.info/