Në ngjarje e tmerrshme ka goditur Belgjikën, pasi një nënë dyshohet se e ka pjekur të gjallë në skarë vajzën e saj dyvjeçare.

Rasti është raportuar nga fqinjët, të cilët kanë dëgjuar ulërima, ndërsa policia më pas ka zbuluar trupin e djegur të vajzës, transmeton portali arbresh.info

27-vjeçarja, e cila raportohet të jetë me origjinë afrikane dhe identiteti i të cilës nuk është bërë i njohur, është arrestuar në qytetin Zemst, në veri të Brukselit.

Rastin e kanë lajmëruar fqinjët të cilët kanë dëgjuar ulërimat e foshnjës dhe më pas kanë parë tymin të dilte nga dera e garazhës.

Policia ka raportuar se pas arrtijes në vendin e ngjarjes kanë gjetur gruan duke pjekur trupin e vajzës në skarë me qymyr.

Zyrtarët janë duke hetuar nëse ajo e ka pjekur vajzën të gjallë, apo pasi e kishte vrarë.

Fqinjët e gruas për mediat lokale kanë thënë se ajo ka jetuar me nënën e saj, ndërsa një natë përpara tragjedisë, ajo ishte larguar nga shtëpia.

Ende nuk dihen arsyet se pse nëna ka kryer një akt mizor, ndërsa policia nuk ka dhënë detaje mbi gjendjen e saj mentale./arbresh.info/