DASH lëshon paralajmërim global për amerikanët që udhëtojnë jashtë vendit

23:29 | 14 Shtator 2017
Arbresh.info

Departamenti Amerikan i Shtetit ka këshilluar të gjithë qytetarët të jenë të kujdesshëm gjatë udhëtimeve jashtë vendit për shkak të “kërcënimit të vazhdueshëm të akteve terroriste, dhunës politike dhe veprimtarisë kriminale kundër shtetasve amerikanë”.

2017 ka parë sulme terroriste në Mançester, Mbretëri të Bashkuar, Barcelonë, Spanjë dhe në bulevardin e famshëm Champs-Elysees në Paris, transmeton portali arbresh.info

“Veçanërisht udhëtarëve u kërkohet të vizitojnë travel.state.gov dhe të shikojnë secilin vend para se të planifikojnë një udhëtim”, ka thënë DASH.

Elementet ekstremiste anembanë globit gjithnjë e më shumë po targetojnë objektiva “të buta”, siç janë ngjarjet sportive, klubet, institucionet fetare, transportin publik, aeroportet, shkollat dhe qendrat tregtare./arbresh.info/