Ministri i ri i Shëndetësisë, Uran Ismaili, ka falënderuar Partinë Demokratike për besimin dhe hapësirën që i ka dhënë atij, e në veçanti kreun e kësaj partie, Kadri Veseli, për të cilin Ismaili thuri lavde pasi pranoi postin e ri.

Ismaili tregoi se është inspiruar nga Veseli dhe se ndjehet i privilegjuar që ka qenë pjesë e kabinitetit t tij.

Më tej, ai ka folur edhe për diksasterin që tanimë ka nën udhëheqje, duke u shprehur i gatshëm të punojë për të adresuar nevojat që ka shëndetësia, duke e trajtuar me prioritet të lartë

Ky është shkrimi i plotë i Ismailit:

Në angazhimin tim politik në Partinë Demokratike të Kosovës, kryetari z. Kadri Veseli më ka inspiruar gjithnjë me vullnetin dhe përkushtimin e tij për Kosovën.

Ishte privilegj e nder të jem pjesë e kabinetit të tij dhe e falënderoj për besimin dhe hapësirën për të punuar në adresimin e shumë sfidave që ka vendi ynë.

Dua ta shpreh mirënjohjen time të thellë për kryetarin Veseli, por edhe për bashkëpunëtorët e tjerë gjatë kësaj periudhe 10-vjeçare në PDK, që më besuan ta udhëheq në këtë mandat Ministrinë e Shëndetësisë.

Do të vazhdojmë të punojmë bashkë për të adresuar nevojat që ka ky resor, duke e trajtuar me prioritet të lartë.