Ka rreth 6 vjet që paga minimale në Kosovë ka mbetur në 170 euro.
Këshilli Ekonomiko-Social ka dështuar për vite të tëra të rrisë pagën minimale në vend, e cila qe kategorizuar në dy nivele që në kohën e ministrit Rashiq, raporton KTV.

Kreu i BSPK’së, Haxhi Arifi, ka një tjetër shpjegim rreth dështimit të ngritjes së pagës minimale në vend.

Ai thotë se fokusi i organizatës së tij ishte largimi i kuotës diskriminuese për të rinjtë nga 35 minimale e të cilëve ishte përcaktuar të jetë 130 euro.

Sidoqoftë, sipas të dhënave të EUROSTAT’it, të publikuara në fillimin e këtij viti, Shqipëria ka pagën më të vogël në Ballkan me 155 euro, e pasuar nga Kosova me 170 euro.

Pagën minimale më të madhe në rajon e ka Sllovenia me 805 euro, pastaj Kroacia 433 euro, Mali i Zi 288 euro, Serbia 250 euro dhe Maqedonia me 231 euro.