Është pezulluar takimi i Eurogrupit deri të shtunën ku pritet të rimbledhen ministrat, raporton Euronews.

Bisedimet mes kryeministrit grek, Alexis Tsipras dhe huadhënësve ndërkombëtarë të vendit përfunduan pa arritjen e ndonjë marrëveshjeje.

Athina kishte caktuar një afat deri në mëngjesin e sotëm për të propozuar një plan reformash të pranueshme për huadhënësit, megjithatë tashmë kreditorët e Greqisë kanë përcaktuar si afat të radhës për të zhbllokuar ndihmat e financimit dhe për të shmangur falimentimin që u parapa në të martën e ardhshme.

Gjatë pushimit të drekës së sotme Presidenti i Parlamentit Evropian Martin Schulz, tha para samitit të BE-së se mbetet optimist deri në sekondën e fundit, ndërsa Tsipras kishte besim që mund të sigurohet një marrëveshje.

Gjithsesi, thuhet se ka pasur irritime në lidhje me refuzimin e Athinës për të arritur kompromise në lidhje me çështje si pensionet, tregjet e punësimit, pagat dhe taksat.