Me rastin e vdekjes së Muhamet Lladrovcit, babait të heroit Fehmi Lladrovci, presidenti i Republikës së Kosovës, Hashim Thaçi i ka shprehur ngushëllime familjes Lladrovci.

Thaçi ka thënë se baci Tush ishte një nga mbështetësit më të mëdhenj të UÇK-së.

Ky është postimi i tij në Facebook:

Me pikëllim mora lajmin për vdekjen e veteranit dhe atdhetarit të devotshëm të çështjes kombëtare, Muhamet Lladrovci, bacit “Tush”.

Baci “Tush” ishte baba i komandantit Fehmi Lladrovci dhe i veprimtarit Ramiz Lladrovci. Në ditët më të vështira baci “Tush” ishte në mbështetje të udhëheqësve të lëvizjes kombëtare dhe të Ushtrisë Çlirimtare të Kosovës.

Familjes Lladrovci i shpreh ngushëllimet më të thella në emër të Presidencës së Republikës së Kosovës dhe në emrin tim.

I qoftë i lehtë dheu i Kosovës. HTH