Pacolli: Besoj që ministri Hoxha ka fakte kur thotë se Kosova ka vota për anëtarësim në UNESCO dhe Interpol

15:59 | 19 Korrik 2017
Arbresh.info

Presidenti i AKR-së, Behgjet Pacolli ka komentuar deklaratat e ministrit Enver Hoxhaj ku ka thënë që Kosova i ka votat për anëtarësim në UNESCO dhe Interpol.

Ai në facebook ka shkruar se beson që Ministri Hoxhaj ka fakte të bollshme pasi që ka deklaruar ashtu.

Postimi i plotë:
Me shumë sadisfakcion (kënaqësi) e kuptova se Kosova i ka votat për anëtarësim ne UNESCO dhe Interpol, dy Organizata vitale për Kosovën. Besoj shumë se Ministri Hoxhaj ka fakte të bollshme kur deklaron ashtu. Shkaku i shkrimit tim në Facebook, për këto dy çështje ishte preokupimi im që kisha për shkak të asaj që po lexoj nga deklarimet e disa shteteve (dhe të Serbisë) për këto çështje. Urime Ministër, nëse është ashtu siç shpreheni atëherë keni bërë punë të mirë!