I njohur si qyteti i shpellave, Vardzia në Gjeorgji është një manastir i madh i gdhendur në shkëmb në vitin 1185.

Qëllimi i manastirit ishte t’u ofrojë mbrojtje banorëve nga pushtimi prej mongolëve, ndërsa deri më sot ai konsiderohet si i vetmi qytet i shpellave në rruzullin tokësor.

Nuk është çudi që shumë e quajnë qytet, meqë në këtë shkëmb janë gdhendur pothuajse 6.000 apartamente!

Ndërtimin e këtij kompleksi e kishte urdhëruar Mbretëresha Tamara, gjatë kohës së sundimit të saj në Gjeorgji. Ndonëse shumë njerëz ishin përpjekur për ta hequr nga froni, vetëm pse ajo ishte një grua e re, Mbretëresha Tamara megjithatë ia kishte dalë ta sundonte me sukses të gjithë rajonin për 29 vite rresht.

Më pak se 100 vjet më vonë nga ndërtimi, manastiri u shkatërrua në masë të madhe, jo nga mongolët por nga një tërmet i fuqishëm që shembi shumicën e tuneleve, ndërsa në disa pjesë shkaktoi një kolaps të plotë. Me këtë rast, ishin shkatërruar plotësisht dy të tretat e manastirit./Arbresh.info/