Ekipet e emergjencës dhe zjarrfikësit patën një ditë mjaft të ngarkuar në autostradën “A1” në Austri, pasi me mijëra pula bllokuan trafikun.
Shpezët ishin ngarkesa e një kamioni që u përfshi në një aksident rrugor, por që për pulat ishte një bekim, pasi mundën të fitonin lirinë.
Kjo e fundit u shkaktoi mjaft probleme autoriteteve, që i ndoqën nga pas për orë të tëra për t’i grumbulluar sërish, e sigurisht edhe drejtuesve të automjeteve që mbetën në trafik.
Sipas autoriteteve, aksidenti ndodhi pasi drejtuesin e kamionit e zuri gjumi në timon dhe makina doli jashtë kontrolli, duke u përplasur në anë të rrugës.
Aksidenti ndodhi në rrugën nga Salzburgu drejt Vjenës. Policia austriake fajësoi edhe drejtuesit e shumë mjeteve për vonesën në lehtësimin e trafikut, pasi të mërzitur nga pritja, shumë prej tyre kishin bllokuar edhe korsitë e emergjencës, duke penguar ndjeshëm zjarrfikësit.
Rama me përfaqësues të teknologjisë e inovacionit: Duam të b...
Një fëmijë humb jetën, dy të tjerë plagosen rëndë në një aks...
Thyen heshtjen CEO që u kap mat me kolegen në koncert
Temperaturat e larta në sallën e gjykimit, anulohet seanca p...
Shqipëria forcon kontrollin e armëve dhe teknologjive
IKSHPK jep rekomandime për përdoruesit e pishinave publike