Antonio Conte “i lumtur” në Chelsea

Chelsea manager Antonio Conte celebrates after the Premier League match at the bet365 Stadium, Stoke.

16:25 | 16 Qershor 2017
Arbresh Info

Chelsea beson që Antonio Conte është i lumtur në klub, pavarësisht spekulimeve se trajneri është duke shqyrtuar të ardhmen e tij.

Eksperti në ‘Sky Sports Italia’, Gianluca Di Marzio ka pretenduar mbrëmjen e së enjtes që raportet ndërmjet Contes dhe Chelseat kanë filluar të prishen për shkak të mungesës së investimeve, transmeton portali arbresh.info.

Megjithatë, transmetuesi anglez thekson gjithashtu që italiani vazhdon të mbetet i vendosur tek londinezët, të cilët e presin atë të rikthehet për ndeshjet para sezonale në javën e parë të muajit korrik ashtu siç ishte planifikuar.

Përveç kësaj, drejtori i “Bluve” Michael Emenalo dhe Marina Granovskaia “janë në dijeni” rreth shënjestrave të Contes dhe “do të vazhdojnë përpjekjet për rekrutimin e tyre”.

Ish trajneri i “Azzurrëve” i siguroi Chelseat titullin në Premierë Ligë sezonin e kaluar, i cili ishte edhe i pari për të në Stamford Bridge./arbresh.info