Komisioni Qendror i Zgjedhjeve do të mbajë sot mbledhjen e radhës, me fillim nga ora 13:30, në zyrat e institucionit.

Mbledhja do të kryesohet nga Kreshnik Radoniqi, ndërsa në rend të ditës janë disa pika që lidhen me aktivitetet dhe funksionimin e KQZ-së.

Një nga çështjet kryesore që pritet të shqyrtohet është rekomandimi për regjistrimin e partisë politike “Partia Qytetare për Mirëqenie Sociale”.

Po ashtu, në këtë mbledhje do të trajtohet edhe emërimi i komisionit të pranimit për pozitën e drejtorit, të sekretariatit të KQZ-së, si edhe pika të tjera të ndryshme.

Njoftimi i plotë:

Mbledhja e KQZ-së nr. 35 në vitin 2026

Data dhe ora: 17 prill 2025 në orën 13:30

Vendi: Zyrat e Komisionit Qendror të Zgjedhjeve

Rendi i Ditës

1. Hyrje: z. Kreshnik Radoniqi, kryesues i mbledhjes së KQZ-së;

2. Aktivitetet e zyrës – rekomandim për regjistrimin e partisë politike “Partia Qytetare për Mirëqenie Sociale”;

3. Emërimi i komisionit të pranimit për pozitën e drejtorit, të sekretariatit të KQZ-së;

4. Të ndryshme.