Nënkryetari i PDK-së Rexhep Hoti njëherit zëvendësministër në largim në Ministrinë e Kulturës ka thyer heshtjen e PDK-së, që nga festa e 11 qershorit në sheshin “Skënderbe” për rezultatet jozyrtare që dolën nga zgjedhjet e parakohshme për Kuvend të Kosovës.

Hoti thotë se PDK-ja dhe partnerët e koalicionit nuk janë të heshtur e as nuk mburren me rezultatet e arritura në zgjedhje.

“Nuk ka heshtjen PDK, në qoftë se i keni përcjellë mediet kryesore në vend. Përkundrazi! Por nuk ka as krekosje (mburrje) për fitoren e koalicionit të PDK-së me të gjitha partitë brenda saj”, tha Hoti

Partia Demokratike e Kosovës (PDK)  para zgjedhjeve të 11 qershorit ka bërë koalicion me AAK-në NISMA-në dhe disa parti të vogla, por kjo nuk i’ u mjaftoi për të marrë mjaftueshëm vota për ta bërë qeverinë.

I ashtuquajturi PAN, sipas të dhënave preliminare të KQZ-së kanë vetëm  33% të votave./arbresh.info/