Gratë të cilat kryejnë lindje cezariane natyrale, janë më të lidhura me foshnjat e tyre dhe kanë më shumë aftësi për t’i ushqyer me gji.

Ekspertët e lindjeve vazhdimisht janë duke rekomanduar këtë teknikë, e cila imiton lindjen natyrale.

Pas prerjes kirurgjikale në barkun e nënës, foshnja nuk nxirret menjëherë nga mjeket, mirëpo lihet që të dalë vetë nga barku i nënës.

Në këtë rast foshnja duhet të shtyje dhe të lëvizë vetë për të dalë nga vrima, e cila është realizuar me prerje kirurgjike, njëjtë si do të lëvizte në lindjet natyrale.

Sipas mjekëve nënat krijojnë lidhje më të fortë ngaqë kanë mundësi t’i mbajnë foshnjat para se të merren nga mjekët për t’u pastruar.

Në këtë procedurë, nënat marrin anestezion lokal në mënyrë që të qëndrojnë zgjuar gjate procesit, dhe menjëherë pasi foshnja del vetë, ajo vendoset në gjoksin e nënës përderisa ende e ka kordonin të pa shkëputur.