‘Trepça mbetet peng i moszgjidhjes së bordit’

22:56 | 9 Maj 2017
Arbresh.info

Drejtori menaxhues i Ndërmarrjes ‘Trepça’, Ahmet Tmava, ka thënë se ka interesim të kompanive të huaja për të investuar në ndërmarrjen ‘Trepça’, mirëpo ka bërë me dije se ‘Trepça; ende vepron si ndërmarrje shoqërore.

Në një intervistë dhënë për ‘Epokën e Re’, Tmava ka thënë se , sipas ligjit të ri për ‘Trepçën’, kjo ndërmarrje duhet të regjistrohet si shoqëri aksionare dhe duhet ta ketë të zgjedhur bordin udhëheqës të ‘Trepçës’ dhe bordin menaxhues.

“Jemi peng i moszgjidhjes së bordit, Ndërmarrja ‘Trepça’ ende figuron si ndërmarrje shoqërore, kurse vepron sipas ligjit të ri që është bërë nga Qeveria.

Vendimet e mëdha, çfarëdo forme qofshin, nuk mund të merren pa regjistrimin e ndërmarrjes dhe funksionalizimin e bordit”, ka thënë Tmava.