Presidenti turk, Recep Tayip Erdogan, u ka bërë thirrje myslimanëve të ngrihen dhe të protestojnë për rastin e Palestinës, duke thënë se çdo ditë që Jerusalemi mbetet nën “okupim” është një fyerje ndaj tyre.

Fjalët e tij kanë nxitur reagime të ashpëra nga ana e Izraelit, transmeton portali arbresh.info.

Ai gjithashtu krahasoi veprimet izraelite kundër palestinezëve me ata të Afrikës së Jugut dhe tha se Shtetet e Bashkuara duhet të heqin planet për të lëvizur ambasadën e tyre nga Tel Avivi në Jerusalem.

Këto ishin fjalët më të ashpra të Erdoganit kundër Izraelit, pasi që të dy vendet u pajtuan vitin e kaluar dhe rivendosën marrëdhnie diplomatike në nivel ambasadorësh.

Ministria e Jashtme e Izraelit akuzoi Erdogan për shkelje të të drejtave të njeriut dhe tha se ai “nuk duhet të predikojë moralin”./Arbresh.info